Í Skálki samtakinum eru átta sjálvstøðugir handlar. Sjey teirra halda til í SMS, meðan Skálkur Arbeiðsklæðir heldur til í skrivstovuhølum felagsins. Sportmaster hevur eisini eina deild í Saltangará.
Allir handlarnir í Skálki samtakinum arbeiða fyri at nøkta tann tørv, sum føroyingar hava á góðum klæðum og aðrari útgerð, eins og handlarnir við sínum nýggja ella klassiska útboði, seta sín dám á tað, sum gerst vælumtókt og móti.
Teir seks klædnahandlarnir og ítróttarhandilin eru settir saman á tann hátt, at allir hava sín egna samleika. Tú finnur ikki tey somu merkini í nøkrum handli, og tískil klárar Skálkur samtakið at bjóða øllum fólkum í Føroyum tey pløgg, skógvar o.a. sum tey hava tørv á.
